Madridning "Real" klubi chap qanot himoyachisi Ferlan Mendi "Atletiko" qiziqishlar doirasiga kirib qoldi.
30 yoshli futbolchi joriy mavsumda "qaymoqranglilar" safida biror marta ham maydonga tushmadi - u Alvaro Karreras va Fran Garsiyaga raqobatda yutqazmoqda. El Nacional nashri tarqatgan xabarga ko‘ra "matraschilar" bosh murabbiyi Diyego Simeone fransiyalik futbolchini o‘z jamoasida ko‘rmoqchi. Argentinalik murabbiy transfer maqsadlaridan biri sifatida "Real"ning lateralini ko‘rsatdi.
Ferlan Mendining "Real"dan "Atletiko"ga o‘tishiga klublar o‘rtasidagi raqobat xalaqit berishi mumkin.
Transfermarkt portali Mendining narxini 10 mln yevroga baholamoqda.
