"Челси" ҳимоячиси Аксель Дисаси катта эҳтимол билан мавсум охиригача клубда қолмайди. Француз жорий мавсумда "кўклар" сафида бирор марта ҳам майдонга тушмади - уни жамоа бош мураббийи Энцо Мареска жамоадан четлатди.
Журналист Санти Ауна хабарига кўра, 27 ёшли футболчи январь ойида, қишки трансферлар ойнаси очилганда клубни тарк этиши керак. Лондонликлар устози футболчини асосий жамоага қайтаришни режалаштирмаяпти.
Аксель Дисасининг Transfermarkt порталидаги нархи - 18 млн евро. 2023 йилнинг ёзида "Челси" трансфер учун 45 млн евро тўлаб, "Монако"дан марказий ҳимоячини сотиб олди.
Лондон гранди Премьер-лиганинг 11-туридан кейин турнир жадвалида учинчи ўринда бормоқда.
