"Тоттенхэм"нинг ҳужумкор ярим ҳимоячиси Муҳаммад Кудус "Арсенал"га қарши дербига тайёргарлик кўриш учун Гана терма жамоаси ихтиёрига бормади.
25 ёшли Кудус Премьер-лиганинг ушбу мавсумининг ҳар бир ўйинида "Тоттенхэм"нинг асосий таркибида майдонга тушди.
Кудус бир неча кун олдин Европа Лигасида “МЮ”га, шунингдек, “Копенгаген”га қарши ўйинда майдонга туша олмади, бу эса уни ушбу халқаро танаффусда Жанубий Корея ва Японияга қарши ўртоқлик ўйинлари ўтказадиган Гана терма жамоасига чақирувдан бош тортишига сабаб бўлди.
Evening Standard нашри хабарига кўра, Кудус ушбу халқаро танаффусдан фойдаланиб, 23 ноябрь куни "Арсенал"га қарши Шимолий Лондон дербиси олдидан жисмоний ҳолатига қайтади.
Қайд этиш жоизки, жорий мавсумда Премьер-лигада Кудусдан кўра кўпроқ голли узатмани амалга оширган бошқа ўйинчи йўқ.













