Мавсум бошидан буён “Оқ-тепа” жамоаси бош мураббийи сифатида ишлаб келаётган Владимир Аникин оилавий сабабларга туфайли, ўз хоҳиши кўра истеъфога чиқарилди. Биз ёш мутахассиснинг кейинги фаолиятига омад тилаб қоламиз!

Шунингдек, иккинчи босқич арафасида жамоани бир футболчи ҳам тарк этди. Қишги ўқув-йиғин машғулотлари даврида ўзининг меҳнатсеварлиги ва иқтидори билан мураббийларимиз ишончини қозонган Абдулазиз Абдуҳамидов мавсумнинг иккинчи қисмини “Оқ-тепа”да ўтказмаслиги ойдинлашди.

Чемпионатнинг дастлабки турларида асосий таркибда мунтазам равишда майдонга тушиб келган ҳимоячи биринчи босқичнинг иккинчи даврасини захирада, ўзига имконият берилиши кутиш билан ўтказиб юборди. Бу ҳолат ҳимоячини қониқтирмади ва ўз хоҳиши амалдаги шартномани бекор қилишларини сўраб клуб раҳбариятига мурожаат қилди.

Унинг илтимоси инобатга олиниб, футболчи билан клуб ўртасида тузилган шартнома ўзаро келишувга кўра бекор қилинди. Эслатиб ўтамиз, Абдуҳамидов биринчи босқичда ўтказилган 22 учрашувнинг 10тасида майдонга тушиб, битта сариқ карточка ишлаб олди.