Мадриднинг "Реал" клуби Хаби Алонсо жамоасидаги ролидан тобора кўпроқ ҳафсаласи пир бўлаётган вингерини йўқотиш хавфи остида.
ESPN Brasil хабарига кўра, илгари ҳужумда етакчилардан бири ҳисобланган 24 ёшли бразилиялик футболчи ҳозирда вазиятни ўзгартириш йўлларини изламоқда - ва Англия Премьер-лигасига кўчиб ўтишга устунлик бермоқда.
Қайд этилишича, Родриго клубдаги ҳолатидан бутунлай норози ва қишки мавсум оралиғида бошқа жамоага ўтишга қарор қилган.
Жорий мавсумда футболчи Испания Ла Лигасида 10 та ўйинда майдонга тушди. Чемпионлар лигасида у учта ўйинда иккита голли узатмани амалга оширди. Футболчининг трансфер нархи 80 миллион еврога баҳоланмоқда.
