«Манчестер Юнайтед»даги фаолияти давомида сэр Алекс Фергюсон ўз жамоасида кўришни жуда хоҳлаган футболчи бор. Сэр энг катта афсуси сифатида «Ювентус»дан Алессандро Дел Пьерони сотиб ололмаганини айтади.

Италиялик ҳужумчи 2002 йилда, «МЮ» «Ювентус» билан ўйнаганида Фергюсонни ҳайратда қолдирган. Ўшанда манкунианликлар футболчини сотиб олишга уринган, 2006 йилда эса иккинчи уриниш амалга оширилган.

«Мен «Ювентус» ва унинг агенти билан боғландим. У менинг таклифимни эшитмасдан рад этди, «Ювентус» унинг учун энг яхши жой эканлигини ва «Манчестер Юнайтед»ни ҳурмат қилса-да, ҳеч қачон оқ-қора рангларга хиёнат қила олмаслигини айтди. Бу афсусланарли, чунки унга ўхшаш футболчини бошқа кўрмаганман.

Мен унга Италия Жаҳон чемпионатини қўлга киритганидан кейин ҳам дарҳол мурожаат қилдим (2006 йил). Ўша пайтда «Реал» ҳам уни кузатаётганди ва «Ювентус» муаммоларини ҳисобга олган ҳолда, мен у учун биз ва «галактикос» ўртасида адолатли кураш бўлишини тасаввур қилгандим.

Шунинг учун унга тўғридан тўғри қўнғироқ қилдим: «Алекс, сени «Юнайтед»да кўришни истардим», дедим. «Сен жамоанинг юлдузи бўласан ва биргаликда ҳамма нарсани ютамиз». У кулиб жавоб берди: «Жаноб, ўшандан бери ҳеч нарса ўзгармаганини биласиз», – дея эслади Фергюсон.