Мадриднинг "Реал" клуби юлдуз ҳужумчиси Килиан Мбаппе жамоага янги ҳимоячи танлади. E-Noticies хабарига кўра, француз "қироллик клуби" боссларидан "Ливерпуль"да тўп тепаётган ҳамюрти Ибраима Конате билан шартнома имзолашни сўраган.
Франциялик ҳимоячининг трансфер нархи 55 миллион еврога баҳоланмоқда, аммо "қаймоқранглилар" уни текинга қўлга киритиши мумкин. Конате ва "қизиллар" ўртасидаги амалдаги шартнома муддати келаси йилнинг ёзида якунига етади.
26 ёшли ҳимоячи 2021 йилнинг ёзида "Ливерпуль"га кўчиб ўтганди. Конате Англия чемпионатининг жорий мавсумида 11 та ўйин ўтказиб, 2 та сариқ карточка олди.













