"Ан-Наср"нинг 40 ёшли ҳужумчиси Криштиану Роналду ҳазиллашиб, яна 10 йил ўйнаши мумкинлигини таъкидлади.
"Мен учун "тез орада" дегани - 10 йил. Одамлар, агар мен карьерамни тез орада якунлашим ҳақида гапирсам, ярим йил ёки бир йилни назарда тутяпти деб ўйлашади. Мен шунчаки ҳазиллашяпман! Тўғрисини айтсам, "яқин орада" деганимда, яна бир-икки йилни назарда тутяпман," - дея Роналдунинг сўзларини келтиради Goal портали.
Эслатиб ўтамиз, ёзда Криштиану Роналду "Ан-Наср" билан шартномасини 2027 йилнинг ўрталаригача узайтирган эди. Португалиялик футболчи 2023 йил бошидан бери Саудия Арабистони жамоасида тўп тепиб келмоқда.
