Лионель Месси “Камп Ноу”га қайтишни орзиқиб кутaётганини билдирди.

«Мен у ерга жуда қайтгим келяпти, биз Барселонани жуда соғиндик — болаларим, рафиқам ва мен бу ҳақда кўп гапирамиз. У ерда уйимиз бор, шунинг учун ҳам қайтишни жуда хоҳлаймиз.

Стадион тайёр бўлгач, у ерга қайтиш имкониятини интизорлик билан кутяпман, чунки Парижга кўчиб ўтганимдан бери “Камп Ноу”га қайтмаганман. Кейин жамоа “Монжуик”ка кўчди. Янги стадионни кўриш қизиқ бўлади, чунки уни охирги марта кўрганимга анча бўлди. У ердаги барча хотираларни яна бир бор ҳис қилиш, эслаш жуда ажойиб бўлади, ҳатто стадион бошқача бўлса ҳам.

Мен кўп йиллар давомидаги меҳр учун миннатдорман», — деди “Интер Майами” ва Аргентина терма жамоаси ҳужумчиси Лионель Месси.