Испания матбуотида Винисиус Жуниорнинг яқинда "Райо Вальекано"га қарши дербида айтган сўзлари таҳлил қилинди. "Реал" бу баҳсда уч очкони қўлга кирита олмади - 0:0.
El Dia Despues дастурида маълум қилинишича, Винисиус маълум бир вазиятда ҳимоячи Дин Хёйсенга эътироз билдирган.
"Биз доимо узун паслар билан ўйнаймиз. Сен доим узун узатма қидирасан. Бу кимга керак ўзи? - деган Винисиус.
Бундан ташқари, Винисиус мунтазам равишда мухлисларига нимадир деб гапирарди. Ҳуштак чалинишидан бироз олдин эса бразилиялик футболчи "Реал"нинг ўйинини танқид қилди.
- Худойим, биз ғалаба қозонишни истамаяпмиз, - деди Винисиус.
"Реал" Ла Лигада пешқадамлик қилмоқда ва 2-ўриндаги "Барселона"ни 3 очкога ортда қолдирмоқда.
