"Барселона" ярим ҳимоячиси Педри ҳали сафга қайтишга яқин эмас. 22 ёшли футболчи "Реал"га қарши ўйиндан сўнг жароҳат олди - тахминларга кўра, тикланиш декабргача чўзилиши мумкин.

Яқинда "кўк-анорранглилар" бош мураббийи Ханс-Дитер Флик юлдуз хавбек халқаро танаффусдан сўнг дарҳол майдонга қайтиши мумкинлигини, аммо бундай сценарийнинг эҳтимоли жуда камлигини айтганди. Mundo Deportivo хабарига кўра, ҳозирда барчаси футболчи Бильбаонинг "Атлетик" клубига қарши ўйингача тикланиб улгурмаслигини кўрсатмоқда.

"Барселона"нинг баск жамоаси билан учрашуви 22 ноябрь куни бўлиб ўтади. Айни дамда каталонияликлар турнир жадвалида пешқадам "Реал"дан 3 очко ортда қолиб, 2-ўринни эгаллаб турибди.