Мюнхеннинг "Бавария" клуби расмий сайти марказий ҳужумчи Харри Кейн октябрь ойининг энг яхши футболчиси бўлганини маълум қилди. Инглиз кетма-кет иккинчи марта ойнинг энг яхши футболчиси совринини қўлга киритди.
Мухлисларнинг овоз бериш натижаларига кўра, Кейн деярли 24 фоиз овоз тўплаб, марказий ярим ҳимоячи Леннарт Карл (20,6 фоиз) ва ярим ҳимоячи Конрад Лаймерни (19,4 фоиз) ортда қолдирди.
Жорий мавсумда 32 ёшли Кейн барча мусобақаларда 17та ўйинда майдонга тушиб, 23та гол ва 3та ассистни ўз ҳисобига ёздириб қўйди. "Бавария" Германия чемпионатининг 10-туридан кейин 28 очко билан турнир жадвалида биринчи ўринда бормоқда.
