Журналистлар "Реал" жамоасидаги мураккаб вазият ҳақида хабар беришда давом этмоқда. Айрим футболчилар мураббийнинг "Барселона" ва "Ливерпуль"га қарши ўйинлардаги қарорларидан норози экани қайд этилган.
Журналист Иньяки Агуло бу маълумотни тасдиқлаб, асосий норозилар Жуд Беллингем, Винисиус Жуниор ва Федерико Вальверде эканини таъкидлади. Ўйинчилар Алонсонинг қатъий иш услубларидан норози.
Сўнгги ўйинларда "Реал" "Ливерпуль"га ютқазди (0:1) ва "Райо Вальекано" билан дуранг ўйнади (0:0). Аммо жамоа яқинда бўлиб ўтган "Эл-Класико"да "Барселона"ни (2:1) мағлуб этишга муваффақ бўлди.
