Англиянинг "Портсмут" клубининг икки мухлиси чипталарсиз ўйинга яширинча киришга урингани учун жабр кўрди, деб хабар беради The Guardian.
"Саутгемптон"га қарши дербини томоша қилиш учун икки ака-ука ўзларини стадион бошқарувчилари сифатида кўрсатишди.
Улар махсус нимчалар билан жиҳозланган ҳолда, ўйин бошланишидан бир соат олдин стадионга кириб, майдон яқинида туришга муваффақ бўлишди.
Клуб хавфсизлик хизмати сохта бошқарувчиларнинг аккредитациядан ўтмаганлигини тезда пайқади.
Охир-оқибат улар судга берилди ва уч йилга ўйинлардан четлаштирилди. Уларнинг ҳар бири 800 евро жаримага тортилди.
