Португалия терма жамоаси ва "Ан-Наср" ҳужумчиси Криштиану Роналду нима эвазига футболда муваффақиятга эришишда давом этаётгани ҳақида гапирди.
40 ёшли футболчи ҳали ҳамон терма жамоа ва клубда муҳим ўйинчи бўлиб қолмоқда.
"Футболда энг қийини гол уриш деб ҳисоблайман. Мен етарлича ақллиман, шунинг учун жисмоний ва руҳий ҳолатимни, шунингдек, атроф-муҳитни - мен ўйнайдиган клублар ва лигаларни ҳисобга олган ҳолда мослаша олдим. Ақлли ўйинчи - мослаша оладиган ўйинчи.
Футбол бир неча йил олдинги, ҳатто бир йил олдинги футбол эмас. Сен шунга яраша ўзгаришинг керак. Нимадир йўқолади, нимадир қўлга киритилади. Мен учун муҳими - ақл," - деди Роналду Португалия терма жамоасининг Ирландияга қарши ўйини олдидан.
Февраль ойида Криштиану Роналду 41 ёшга тўлади.
