Килиан Мбаппе ўзининг 400-голини урди. Бу бугун "учранглилар"нинг йирик (4:0) ғалабаси билан якунланган Франция ва Украина терма жамоалари ўртасидаги ўйинда рўй берди. Мезбонлар сардори дубль қайд этди.
Madrid Zone хабарига кўра, 26 ёшли Килиан афсонавий Пеледан кейинги 400 та гол урган энг ёш футболчи бўлди. Франциялик юлдуз эндиликда жорий минг йиллик рекордига эгалик қилмоқда.
Клуб даражасида Мбаппе Мадриднинг "Реал" клуби шарафини ҳимоя қилади. У бунгача "Монако" ва "ПСЖ" клубларида тўп тепган. Футболчи Франция терма жамоасида 2017 йилда дебют қилган.
20 декабрь куни Килиан Мбаппе 27 ёшга тўлади.
