"Барселона" ҳужумчиси Ферран Торрес жамоадоши Ламин Ямал ҳақидаги саволларга жавоб берди.
Каталонияликлар вингери Испания терма жамоасининг ноябрь ойидаги йиғинини пубалгия туфайли ўтказиб юбормоқда. 18 ёшли футболчи "қизил фурия" ихтиёрида бўлмаганига қарамай, журналистлар ҳар бир матбуот анжуманида у ҳақида сўрашда давом этмоқда.
- Менга берган биринчи саволингизнинг Ямал билан боғлиқ бўлганига ажабланмайман. Терма жамоага келган барча футболчилар аъло даражада тайёр. Шунга эътибор қаратиш керак.
Ламин бу аҳволга тушганида унга нима маслаҳат берган бўлардим? Терапия, спорт зали. Шу холос," - деди Ферран Торрес ОАВ билан суҳбатда.
