Англия терма жамоаси устози Томас Тухель терма жамоа ўйинида олдинга силжиш бор-йўқлиги ҳақида жавоб берди.
Сўнгги ўйинда инглизлар ўз майдонида Сербияни 2:0 ҳисобида таслим этганди.
"Тараққиёт борми? Бунга ишончим комил. Яна яхши натижага эришдик. Жамоа ҳаракат қилди, акс ҳолда муаммоларга дуч келардик. Навбатдаги ғалабани қўлга киритдик ва гол ўтказиб юбормадик. Ҳозир терма жамоа яхши ҳолатда," - дея германиялик мутахассиснинг сўзларини келтиради УEФА матбуот хизмати.
Эслатиб ўтамиз, Англия терма жамоаси 2026 йилги жаҳон чемпионатига йўлланмани нақд қилиб қўйганди. Мундиал келаси йил ёзда Шимолий Америкада бўлиб ўтади.













