Аввалроқ, "Барселона"нинг 18 ёшли вингери Ламин Ямал ЖЧ-2026 саралашида Грузия ва Туркияга қарши ўйнамаслиги маълум бўлганди. Испания Қироллик футбол федерацияси футболчининг хабардор қилинмасдан чов соҳасидаги ноқулайликни даволаш учун муолажадан ўтганидан ҳайрон бўлди.
AS хабарига кўра, Ямал 2026 йилда "Финалиссима"да ўйнаш истагини билдирган ва бу вақтга келиб "клуб ва федерация ўртасидаги муносабатлар тикланишига" умид қилмоқда.
"Ламин ўзини жавобгар бўлмаган можарога аралашиб қолгандек ҳис қилмоқда. У "Барселона" ва жаҳон чемпионатида енгиб ўтиши керак бўлган қийинчиликларни ҳисобга олган ҳолда, ушбу жуда муҳим мавсумда имкон қадар тезроқ тикланишни ва яхшироқ ўйнашни хоҳлайди," - деди манба.
