"Барселона" сафида ижара асосида тўп тепаётган вингер Маркус Рэшфорд келаси йилнинг ёзида "Манчестер Юнайтед" билан хайрлашади.

"Кўк-анорранглилар" англиялик футболчини 30 млн еврога сотиб олиш шарти билан жорий мавсум якунига қадар ижарага олди. 28 ёшли футболчи янги шароитларда ўзини муваффақиятли кўрсатмоқда, бироқ "Манчестер Юнайтед"да унга нисбатан режалар йўқ - томонлар мавсумлар оралиғида бутунлай хайрлашади, дея хабар бермоқда инсайдер Фабрицио Романо. Фақат футболчи қайси клубга ўтиши номаълум, чунки "Барса"да ҳали сотиб олиш пунктини фаоллаштириш бўйича якуний қарор қабул қилинмаган.

Маркус Рэшфорд каталонияликлар сафида 16 та ўйинда 6 та гол ва 9 та голли узатмага муаллифлик қилган.