"Манчестер Юнайтед"нинг собиқ юлдузи, франциялик ҳужумчи Эрик Кантонанинг фикрича, сэр Алекс Фергюсон кетганидан ўн икки йил ўтиб, "МЮ" унинг бутун меросини йўқ қилган.

"Улар ажойиб ҳужумкор футбол ўйнаган Алекс Фергюсоннинг бутун меросини йўқ қилишди. Клубнинг янги хўжайинлари бундай услубни тарғиб қилмаяпти. Мен клубга ўз ёрдамимни таклиф қилдим, аммо Жим Рэтклифф ҳамкорликка қизиқиш билдирмади. Футболчи бўлганимда, бу клуб менга ҳамма нарсани берди. Мен ўзимни ёрдам беришга мажбур деб ҳис қилдим, мурожаат қилдим, аммо энди ўзимни айбдор ҳис қилмаяпман," - дея Кантонанинг сўзларини келтиради derbyderbyderby.it.

Эслатиб ўтамиз, Кантон 90 йилларда "Манчестер Юнайтед" шарафини ҳимоя қилган.