"Барселона" клуби ва Дания терма жамоаси марказий ҳимоячиси Андреас Кристенсен ўзининг жисмоний ҳолатига баҳо берди.
"Ўтган мавсумгача жисмоний тайёргарлик бўйича менда деярли саволлар бўлмаган. Лекин ўшандан бери муаммолар кўпайиб кетди. Бу ғашимга тегади, лекин мен бунга кўникишим керак," - деди даниялик футболчи журналистлар билан суҳбатда.
Кристенсен 2022 йилдан буён каталонияликлар шарафини ҳимоя қилиб келмоқда. Жорий мавсумда 29 ёшли ҳимоячи 10 та ўйинда майдонга тушди. Кристенсеннинг "Барселона" билан амалдаги меҳнат шартномаси 2026 йилнинг ёзигача мўлжалланган.
