"Ньюкасл" ҳужумчиси Ник Вольтемаде Карл-Хайнц Руммениггенинг шов-шувли сўзлари ҳақида гапирди.

Ёзда "қарғалар" ҳужумчини "Штутгарт"дан сотиб олган эди. Трансфер қиймати бонусларни ҳисобга олган ҳолда 90 млн еврога етиши мумкин. "Бавария" анча камроқ таклиф қилди ва футболчи Англияга кетганидан сўнг, мюнхенликлар директорлар кенгаши аъзоси Румменигге "Штутгарт" "керакли суммани тўлашга рози бўлган аҳмоқларни топганини" айтди.

"Жамоадошларим буни муҳокама қилишди, мен эса йўқ. Ёзда мен, "Бавария" ва мен учун тўланган сумма ҳақида кўп гапирилди. Барча сарлавҳаларда "аҳмоқлар" сўзи учрарди, лекин мен Руммениггенинг тўлиқ баёнотини ўқидим - албатта, у ачинарли, лекин улар тақдим этгандек драматик эмас," - деди Вольтемаде.