Туркия терма жамоаси марказий ярим ҳимоячиси Ҳоқон Чалхонўғли 2026 йилги жаҳон чемпионати саралашининг сўнгги турида Испанияга қарши майдонга тушмайди. Ўйин 18 ноябрь, сешанба куни бўлиб ўтади.
Туркия терма жамоаси матбуот хизматининг Х ижтимоий тармоғида маълум қилишича, Чалханўғли жароҳати туфайли Испанияга қарши ўйин учун таркибдан четлатилган. Қайд этилишича, ўтган турда Болгарияга қарши ўйинда (2:0) ярим ҳимоячи билагидан жароҳат олган.
Саралаш босқичи тугашига бир тур қолганида Туркия «Е» гуруҳида иккинчи ўринни эгаллаб турибди. Испания 15 очко билан 1-ўринда бормоқда.
