Ирландия терма жамоаси ЖЧ-2026 саралаш плей-оффида иштирок этади. Жамоа ўз гуруҳида иккинчи ўринни эгаллади.
Бугун, 16 ноябрь куни ЖЧ-2026 саралаши доирасида Венгрия ва Ирландия терма жамоалари ўзаро баҳс олиб борди. Ўйин Будапештдаги "Пушкаш Арена" стадионида бўлиб ўтди.
Учрашув 3:2 ҳисобида ирландияликларнинг ғалабаси билан якунланди. Тўртинчи дақиқада Даниэл Лукач мезбонларни ҳисобда олдинга олиб чиқди. Учрашувнинг 15-дақиқасида Трой Пэрротт пенальтидан унумли фойдаланиб, ҳисобни тенглаштирди. 37-дақиқада венгерлар Барнабаш Варганинг голи эвазига яна олдинга ўтиб олди. 80-дақиқада Трой Пэрротт дубль қайд этиб, ҳисобни тенглаштирди. Учрашув якунида Трой Пэротт хет-трик қайд этиб, ғалаба тўпини киритди.
Ирландия ўн очко билан «F» гуруҳида иккинчи ўринни эгаллади. Жамоа ўтиш ўйинлари орқали жаҳон чемпионати йўлланмаси учун кураш олиб боради. Венгрия 8 очко билан учинчи бўлди.
ЖЧ-2026 саралаши. Европа. 10-тур. «F» гуруҳи
Венгрия - Ирландия - 2:3
16 ноябрь, 19:00. «Puskas Arena» (Будапешт).
Голлар: Лукач, 3 (1:0). Пэрротт, 15 - пенальтидан (1:1). Варга, 37 (2:1). Пэрротт, 80 (2:2). Пэрротт, 90+6 (2:3)
Венгрия: Дибус, Салаи, Орбан, Керкез, Него (Мочи, 90+3), Собослаи, Шефер (Этвеш, 63), Тот (Болла, 76), Шоллои (Редзич, 90+3), Лукач (Стайлс, 63), Варга
Ирландия: Келлехер, Коллинз, ОШи, ОБрайен (Мэннинг, 46), Каллен (Тэйлор, 80), Молумби (Эбоселе, 60), Скейлс, Коулман (Кенни, 60), Эйзас, Огбене (Ида, 53), Пэрротт
Огоҳлантиришлар: Салаи, 45. Варга, 90 - Скейлс, 68. Каллен, 78. Эбоселе, 89. Пэрротт, 90
