"Ноттингем Форест" ҳужумчиси Арно Калимуэндо "Штутгарт" қизиқишлари доирасига тушиб қолди. Бу ҳақда Sky Germany хабар бермоқда.
Манбага кўра, немис клуби вакиллари аллақачон футболчининг агентлари билан эҳтимолий трансферни муҳокама қилмоқда. Француз ўтган ёзда "Ренн"дан 30 млн евро эвазига "ўрмончилар" таркибига қўшилганди.
Калимуэндо "ПСЖ" тарбияланувчиси ҳисобланади, у катталар даражасида ҳам ушбу жамоада ўйнаган. Бундан ташқари, футболчи "Ланс"да ҳам ҳаракат қилган. Жорий мавсумда Арно 9 та ўйинда майдонга тушиб, бирорта ҳам гол ура олмади. Transfermarkt маълумотларига кўра, футболчининг айни дамдаги нархи 30 млн еврони ташкил қилмоқда.













