"Ньюкасл"нинг ўнг қанот ҳимоячиси Тино Ливраментога маҳаллий грандлар қизиқиш билдирмоқда.

23 ёшли футболчини "Манчестер Сити" ўз сафига қўшиб олишни режалаштирмоқда. Журналист Бен Жейкобснинг маълум қилишича, англиялик футболчи "шаҳарликлар"нинг 2026 йил ёзидаги трансфер мақсадларидан бири ҳисобланади. "Қирқлик" юлдузига даъвогарлар орасида "Манчестер Юнайтед" ҳам бор.

Transfermarkt экспертлари талқинига кўра, Тино Ливраментонинг нархи 40 млн еврони ташкил этади. Футболчининг "Ньюкасл" билан меҳнат шартномаси 2028 йилнинг ярмигача мўлжалланган. Жорий мавсумда латерал Эдди Хау жамоаси сафида саккизта ўйинда битта голли узатмани амалга оширди.