"Барселона"нинг жароҳат олган дарвозабони Жоан Гарсиянинг ҳолати ҳақида янги маълумотлар пайдо бўлди.
Нуфузли инсайдер Фабрицио Романонинг ижтимоий тармоқларда таъкидлашича, 24 ёшли испаниялик футболчи "Атлетик"ка қарши ўйинда "Барселона"га ёрдам бера олади.
Эслатиб ўтамиз, дарвозабон жароҳати туфайли сентябрь ойи охиридан буён майдонга тушмаётган эди. Жорий мавсумда Гарсия барча мусобақаларда еттита ўйин ўтказиб, бешта гол ўтказиб юборди ва уч марта ўз дарвозасини дахлсиз қолдиришга муваффақ бўлди.
22 ноябрь куни "Барселона" ўз майдонида Бильбаонинг "Атлетик" клубини қабул қилади.
