Тошкентда йиғин ўтказаётган жамоамиз бугун навбатдаги назорат учрашувида майдонга тушди. “Нефтчи”нинг бу галги рақиби ўз олдига юқори мақсадларни қўйган “Локомотив” жамоаси бўлди. Ўйинда “Нефтчи” футболчилари кичик ҳисобда ғалаба қозонишди. 

Фарғоналикларнинг биринчи голини “Локо”нинг собиқ ҳужумчиси Зайниддин Тожиев киритди. Бу яқинда жамоамиз сафига келиб қўшилган Тожиевнинг “Нефтчи” таркибидаги иккинчи голи саналади. Зайниддин якшанба куни бўлиб ўтган “Олмалиқ”қа қарши ўйинда ҳам рақиб дарвозасини ишғол этганди.

Иккинчи голни яна бир янги ўйинчи Вячеслав Пономарёв киритган бўлса, учинчи гол Сардор Соипов ҳисобига ёзилди.  Шундай қилиб, "Нефтчи" икки кунда  иккита ўртоқлик учрашувини ўтказди ва ҳар иккисида ҳам ғалаба қозонди.

Назорат учрашуви
«Локомотив» - «Нефтчи» 2:3
Голлар: Тожиев, Пономарёв, Соипов.
“Нефтчи”: Фаррух Турдалиев, Шавкат Насибуллаев, Вячеслав Пономарёв, Антон Монахов, Абдуқаҳҳор Ҳожиакбаров, Ғайрат Жумаев, Мирзакамол Камолов, Ғулом Ўрунов, Санжар Асқаралиев, Зайниддин Тожиев, Отабек Исроилов.
Захирадан майдонга тушганлар: Ғайрат Ҳасанов, Шукурали Пўлатов, Сардор Мирзаев, Носир Отақўзиев, Мўйдин Мамазулумов, Дилёрбек Эрматов, Иқбол Бобохонов, Сардор Соипов.