Нидерландия терма жамоаси яримҳимоячиси Тижани Рейндерс Литва устидан қозонилган ғалаба (4:0) ва ЖЧ-2026 финал босқичига йўлланма ҳақида фикр билдирди.
"Ўйлашимча, биринчи бўлимда яхши ҳаракат қилдик. Иккинчи бўлимда бир-икки марта бироз бепарволик қилдим, лекин умуман олганда, асосий вазифа жамоа учун яхши натижа ва жаҳон чемпионатига чиқиш эди ва биз бунга эришдик. ЖЧ-2022ни уйда, диванда, терма жамоа либосида кўрдим. Бу сафар мен учун ҳаммаси бутунлай бошқача бўлса керак. Унинг келишини бироз кутишга тўғри келади, аммо мен бу турнирда биринчи марта иштирок этиш имкониятини интиқлик билан кутмоқдаман", - дея 27 ёшли футболчининг сўзларини келтиради NOS.
Нидерландия терма жамоаси саккизта ўйинда 20 очко тўплади ва G гуруҳи жадвалида биринчи ўринни эгаллаб, турнирнинг финал босқичига йўлланма олди.
