"Васко да Гама"нинг универсал ҳужумчиси Райан фаолиятини "Барселона"да давом эттириши мумкин. Бу ҳақда журналист Экрем Конур хабар бермоқда.
Манбага кўра, каталонияликлар аллақачон 19 ёшли иқтидор учун бразилияликларга тахминан 25-30 миллион евро таклиф қилишган. Айтиш керакки, сентябрь ойида "Зенит" Райанни сотиб олишга уриниб кўрган, бироқ рад жавобини олганди.
2025 йилда Райан барча турнирларда 49 та ўйинда майдонга тушиб, 17 марта рақиблар дарвозасини ишғол қилди ва битта голли узатма муаллифига айланди.
Нуфузли Transfermarkt портали маълумотларига кўра, ҳужумчининг бозор нархи 18 миллион еврони ташкил этади.













