"Vasko da Gama"ning universal hujumchisi Rayan faoliyatini "Barselona"da davom ettirishi mumkin. Bu haqda jurnalist Ekrem Konur xabar bermoqda.
Manbaga ko‘ra, kataloniyaliklar allaqachon 19 yoshli iqtidor uchun braziliyaliklarga taxminan 25-30 million yevro taklif qilishgan. Aytish kerakki, sentyabr oyida "Zenit" Rayanni sotib olishga urinib ko‘rgan, biroq rad javobini olgandi.
2025 yilda Rayan barcha turnirlarda 49 ta o‘yinda maydonga tushib, 17 marta raqiblar darvozasini ishg‘ol qildi va bitta golli uzatma muallifiga aylandi.
Nufuzli Transfermarkt portali ma’lumotlariga ko‘ra, hujumchining bozor narxi 18 million yevroni tashkil etadi.
