"Ливерпуль" яримҳимоячиси Раян Гравенберх клуб билан меҳнат шартномасини узайтиришга бир қадам яқинлашди. Бу ҳақда инсайдер Николо Скира хабар бермоқда.
Манбага кўра, томонлар 2030 ёки 2031 йилгача мўлжалланган янги келишув тузишга тобора яқинлашмоқда. Таъкидланишича, Гравенберх ўтган ёзда "Энфилд"ни тарк этишни истамагани учун Саудия клубининг катта таклифини рад этган.
Жорий мавсумда 23 ёшли Гравенберх барча мусобақаларда 12та ўйинда майдонга тушиб, 3та гол урди ва 2та ассистни ўз ҳисобига ёздириб қўйди. Transfermarkt портали маълумотларига кўра, Гравенберхнинг нархи 90 миллион еврога тенг.
