Caughtoffside маълумотларига кўра, 25 ёшли инглиз ҳужумчиси Жейдон Санчо фаолиятини Туркия лигасида давом эттириши мумкин.
Манбаларнинг хабар беришича, Санчо агентлари билан бирга халқаро танаффус пайтида Истанбулда кўриниш берган. Инсайдерларнинг таъкидлашича, Санчо "Галатасарой", "Бешиктош" ва "Фенербаҳче" билан музокаралар олиб борган.
Санчо 2021 йилдан бери "Манчестер Юнайтед"да ўйнайди, аммо кўп вақтини ижарада ўтказган. Бу мавсумда ҳужумчи "Астон Вилла"га қўшилди ва барча мусобақаларда саккизта ўйинда майдонга тушди.













