"Барселона" президенти Жоан Лапорта "Камп Ноу"га қайтиш ҳақида гапирди.
Янгиланган аренада каталонияликлар 22 ноябрь куни "Атлетик"ка қарши майдонга тушади. Ҳозирча аренадан сиғим чекловлари билан фойдаланиш мумкин бўлади.
"Камп Ноу"га қайтиш ўтмишни ҳис қилган ҳолда келажакка саёҳат қилишдек туюлади. Бу тарихий лаҳза бўлади ва биз "Монжуик"да бўлмаган ўз майдонимиздаги устунликни қайтарамиз.
Чипта нархлари сиғимнинг ошишига қараб ўзгартирилади. Йил якунига қадар 62 минг томошабинга етказиш мақсад қилинган.
Тез орада "Айнтрахт"га қарши ўйинни ўз майдонимизда ўтказиш бўйича УEФА қарорини кутамиз. Биз барча талабларни бажарамиз ва мен оптимистик кайфиятдаман. Жамоа стадионга қайтганидан хурсанд. Футболчилар ниҳоятда мотивацияга эга," - дея Лапортанинг сўзларини келтиради Barca Universal.
"Барселона" Испания чемпионати турнир жадвалида иккинчи ўринда бормоқда.
