"Манчестер Сити" бош мураббийи Хосеп Гвардиола "Барселона" бош мураббийлигидаги энг яхши лаҳзалари ҳақидаги саволга жавоб берди.
Гвардиола 2008-2012 йилларда "кўк-анорранглилар"нинг асосий жамоасига устозлик қилган.
"Қайси бирини танлашни билмайман... "Барселона"даги даврдан биринчи навбатда Ла Лига чемпионлиги ва Мадридда "Реал" устидан қозонилган ғалаба (6:2) ёдга олинади. Шунингдек, Чемпионлар Лигасидаги иккинчи ғалаба," - деди Гвардиола.
"Барселона" Хосеп Гвардиола қўл остида 2009 ва 2011 йилларда Чемпионлар лигасида ғолиб бўлган. Иккала ҳолатда ҳам каталонияликлар "Манчестер Юнайтед"ни мағлуб этишган - 2:0 ва 3:1.
