Ўзбекистон миллий жамоаси бош мураббийи Фабио Каннаваро Эрон устидан қозонилган (0:0, пенальтилар - 4:3) ғалабага муносабат билдирди.

"Ғалаба ҳар доим ёқимли. Ўйинчилар ҳам, мухлислар ҳам хурсанд. Бугун осон ўйин бўлмади. Ҳар доим курашиш керак. Уларга қарши бўшашиб бўлмайди. Биринчи бўлимда ўйинни назорат қилдик, 2-3 та яхши имкониятни қўлдан бой бердик ва иккинчи бўлимда гол урмасангиз қийин бўлишини кўрдик. Улар дарвозамиз олдида деярли вазият яратишмади. Қизил карточкадан сўнг вазият жуда қийинлашди. Аммо мен уларнинг кўрсатган менталитетидан хурсандман", - деди 52 ёшли италиялик мутахассис.