Мадриднинг "Реал" клуби вингери Франко Мастантуоно ўзининг кумири Месси ҳақида яна бир бор гапирди.
18 ёшли аргентиналик футболчи афсонавий ҳамюртини "Барселона" билан боғлиқ бўлишига қарамай, уни тарихдаги энг яхшиси деб билишини бир неча бор тан олган.
"Мен дунёнинг энг буюк клуби "Реал" мухлисиман, аммо мен учун энг яхши футболчи ҳар доим Месси бўлган ва шундай бўлиб қолади. У билан терма жамоада ўйнашга тўғри келди. Ажойиб ўйинчи. Ҳар сафар тўпга текканида, тилинг калимага келмай қолади. Ҳатто у билан кўпдан бери ўйнаётганлар ҳам ҳайратланишни тўхтатишмайди. Мен Леодан ўрганишга ҳаракат қиламан ва унга кўрсатган ёрдами учун жуда миннатдорман", - деди Мастантуоно El Larguero нашрига берган интервьюсида.
"Реал"нинг янги аъзоси Аргентина терма жамоаси сафида жорий йилнинг ёз ойи бошида дебют қилган эди.
