Бразилия терма жамоаси сешанба куни бўлиб ўтган ўртоқлик учрашувида тунислик рақибларини мағлуб эта олмади (1:1). Африка жамоаси 23-дақиқада ҳисобда олдинга чиқиб олди, бунга "пентакампеонлар" биринчи бўлим охирида 18 ёшли Эстевао Виллианнинг пенальтидан аниқ зарбаси билан жавоб қайтарди. Танаффусдан кейин томошабинлар голларни кўришмади.

"Бу сафар Сенегал билан ўтган ўйинга қараганда анча қийинроқ бўлди. Тунис жуда паст блок билан ҳимояланди, бу ҳужумчиларимизнинг хусусиятларини ҳисобга олсак, биз учун унчалик қулай эмас. Йиғиннинг иккинчи ўйинига тайёргарлик кўриш ҳар доим қийинроқ - футболчилардан биринчи ўйиндаги каби интенсивликка эришиш қийин. Бундай тиғиз тақвимда жароҳат олиш хавфи доим юқори бўлади", - дея Бразилия миллий жамоаси етакчиси Карло Анчелоттининг сўзларини келтиради Footmercato.

Италиялик мутахассис ёз бошида Мадриднинг "Реал" клубидан ўз ўрнини эгаллаганди.