"Сандерленд" ярим ҳимоячиси Гранит Жака яна бир бор "Ювентус"га ўтиши мумкинлиги ҳақида хабарлар тарқалди.
Швейцариялик футболчи ўтган ёзда Англияга қайтишдан олдин "кекса синёра"га ўтиши мумкин эди, аммо келишув амалга ошмади.
TuttoSport нашрининг хабар беришича, Турин клуби яна 33 ёшли ярим ҳимоячи учун даъвогарлар қаторида.
"Бьянконерилар"нинг янги мураббийи Лучано Спаллетти январь ойида ярим ҳимоя чизиғини кучайтирмоқчи ва "Қора мушуклар" сардори унинг мезонларига жуда мос келади.













