"Барселона" дарвозабони Марк-Андре тер Штеген фаолиятини Туркия чемпионатида давом эттириши мумкин. Бу ҳақда Diario Sport хабар бермоқда.
Манбанинг маълум қилишича, "Бешиктош" каталонияликларга маошлар қийматини туширишда ёрдам бериш учун "Барселона"га германиялик дарвозабонни ижарага олишни таклиф қилган. Қайд этилишича, "Бешиктош" июнь ойида саккиз миллион евро эвазига футболчини сотиб олиш ҳуқуқини ҳам қўлга киритмоқчи.
Эслатиб ўтамиз, жорий мавсумда 33 ёшли тер Штеген ёзда жиддий жароҳат олгани боис бирор марта майдонга тушмади.
Футболчининг "кўк-анорранглилар" билан амалдаги меҳнат шартномаси 2028 йилнинг ярмигача мўлжалланган.
