Қишки трансферлар давридаёқ Италиянинг "Милан" клуби "Удинезе"дан даниялик ҳимоячи Томас Кристенсенни сотиб олиши мумкин. Бу ҳақда Италиянинг La Gazzetta Dello Sport нашри хабар бермоқда.
Манбага кўра, Кристенсенни сотиб олишни клуб спорт директори Игли Таре талаб қилмоқда. Қизиғи шундаки, ҳозир футболчи жароҳат олган - у сентябрь ойи охиридан буён майдонга тушмаяпти. "Милан" учун Кристенсеннинг нархи 15 миллиондан 20 миллион еврогача бўлиши мумкин.
Айни дамда "Милан" Италия А Серияси турнир жадвалида учинчи ўринни эгаллаб турибди, клуб кейинги ўйинида "Интер"га қарши майдонга тушади.
