Лионель Мессининг "Барселона"га футболчи сифатида қайтиши даргумон, гарчи бундай миш-мишлар вақти-вақти билан матбуотда тарқалиб турса-да.
El Nacional нашри хабарига кўра, Каталония клубининг маркетинг бўйича мутахассислари ҳатто Месси билан қанча пул ишлаш мумкинлигини ҳам ҳисоблаб чиқишган. Манба берган хабарга кўра, "Барселона" Мессининг бир мавсумда 200 миллион евро ишлаб олишини ҳисоблаб чиққан.
Саккиз карра "Олтин тўп" соҳибининг тижорат қиймати шундай. Яқинда Лео Месси "Камп Ноу" стадионидан тушган сурати билан томошабинларни лол қолдирди. Шу йилнинг кузида 38 ёшли аргентиналик футболчи "Интер Майами" билан шартномасини 2028 йил охиригача узайтирди.
