"Бавария" яримҳимоячиси Леон Горецка 2026 йилда Италияга кўчиб ўтиши мумкин.
Германиялик футболчининг шартномаси келаси ёзда якунига етади. У эркин агент мақомида ўйнаши мумкин бўлади. Журналист Экрем Конурнинг таъкидлашича, 30 ёшли футболчига даъвогарлар сонини А Сериянинг яна бир вакили - "Наполи" тўлдирган. Аввалроқ, "Ювентус"нинг қизиқиши ҳақида хабарлар тарқалган эди.
"Бавария" Леон Горецка билан меҳнат шартномасини узайтиришни режалаштирмаяпти, аммо уни январда қўйиб юбориш ниятида ҳам эмас. Хавбек, шунингдек, клуб рўйхатини ўзгартиришдан олдин мавсум тугашини кутишни афзал кўради.
"Наполи" Италия чемпионати турнир жадвалида пешқадам "Интер"дан 2 очко ортда қолиб, 4-ўринда бормоқда.
