Марказий ҳимоячи Мануэль Аканжи "Интер" сафида "Манчестер Сити"дан ижара асосида тўп сурмоқда. Битим сотиб олиш имкониятини назарда тутади, аммо "нерадзуррилар" бу имкониятдан фойдаланиш-фойдаланмаслиги ҳали аниқ эмас.
"Мен ўзимни "Интер"да узоқ муддатли истиқболда кўряпманми? Мен шунга умид қилмоқчиман. Кўрамиз, бу мавсум қандай ўтади, кейин клуб билан биргаликда қарор қабул қиламиз. Ҳозирча ишончим комил эмас, чунки ҳаммаси мавсум қандай ўтишига боғлиқ бўлади. Аммо айни дамда Миланда бахтиёрман", - деди 30 ёшли футболчи.
Мануэль Аканжи Кристиан Кивунинг жамоаси сафида барча мусобақаларда 13 та ўйин ўтказган.
