"ПСЖ" клуби ва Марокаш терма жамоаси ҳимоячиси Ашраф Ҳакимий Африкада 2025 йилнинг энг яхши футболчиси совринини қўлга киритгани ҳақида фикр билдирди.
"Узоқ йиллик машаққатли меҳнат, муваффақият ва унутилмас лаҳзаларни ўзида мужассам этган эътироф. Оиламга, жамоадошларимга ва мен билан ҳар куни, майдонда ва ундан ташқарида ишлайдиган барчага миннатдорчилик билдираман. Сизнинг ишончингиз, садоқатингиз ва қўллаб-қувватлашингиз мени янада кучли қилади ва ўсишимга имкон беради.
Доимо қўллаб-қувватлаганлари учун бутун Марокаш халқига раҳмат. Умид қиламанки, бу лаҳза мамлакатимиз ва қитъамиздаги ҳар бир болани ўз орзуларига ишонишга ва улар учун курашишга илҳомлантиради", - деб ёзди Ҳакимий ижтимоий тармоқда.
Ўтган мавсумда "ПСЖ" билан Чемпионлар Лигаси, Франция Кубоги, Лига 1 ва Франция Суперкубогида ғалаба қозонган 27 ёшли марокашлик футболчи овоз беришда "Ливерпуль" ҳужумчиси Муҳаммад Салоҳ ва "Галатасарой" форварди Виктор Осимхендан ўзиб кетди.
