"Борнмут" вингери Антуан Семеньо фаолиятини "Ливерпуль"да давом эттириши мумкин. Бу ҳақда Indykaila News хабар берди.
Манбага кўра, "Ливерпуль" "Борнмут"га Семеньони 73,5 млн еврога сотиб олиш бандини фаоллаштириш истагини билдирган. "Гилослар" товон пули миқдори ҳақидаги маълумотлар очиқ эълон қилинганидан норози. Шу билан бирга, "Борнмут" Семеньонинг кетиши муқаррар бўлса, трансфер ойнасининг дастлабки икки ҳафтасида унинг трансферини ёпмоқчи. Вингернинг ўзи жамоани тарк этиб, Чемпионлар лигаси даражасидаги клубга ўтишни истамоқда.
Жорий мавсумда 25 ёшли Семеньо барча мусобақаларда 12 та ўйинда майдонга тушиб, 6 та гол урди ва 3 та голли узатмага муаллифлик қилди.
