"Аякс" ярим ҳимоячиси Жорти Мокио "Манчестер Юнайтед" қизиқишлари доирасига тушиб қолди.
17 ёшли футболчи Амстердам клубидаги келажагига ишончи комил эмас. Нидерландия гранди истиқболли бельгиялик билан шартномани узайтирмоқчи, бироқ у лойиҳадан қониқмаяпти. Журналист Саша Тавольерининг ёзишича, "Манчестер Юнайтед" вазиятни диққат билан кузатиб бормоқда. Янги юлдузга даъвогарлар орасида "Ньюкасл" ва Франкфуртнинг "Айнтрахт" клублари ҳам бор.
Жорти Мокио 17 ёшида "Аякс"нинг асосий жамоасида 29 та ўйинда майдонга тушиб, 2 та гол уришга улгурган. Transfermarkt портали ҳимояда ҳам ўйнай оладиган хавбекнинг нархини 8 млн еврога баҳоламоқда.
