Таниқли италиялик мутахассис Фабио Капелло Италия терма жамоаси бош мураббийи Женнаро Гаттузонинг фаолияти, шунингдек, ЖЧ-2026 саралаш босқичининг ҳар икки ўйинида италияликларни мағлуб этган Норвегия терма жамоасининг савиясига баҳо берди.
"Гаттузо гуруҳдаги дастлабки икки ўйиндан кейин жамоани бошқарди, яхши ғалабаларга эришди ва жамоага озгина бўлса ҳам жанговар руҳни қайтаришга муваффақ бўлди.
Ёрқин ўйин ёки кучли характер кўрмадик: Норвегиядан учралган мағлубият футболчиларга жиддий таъсир қилди. Аммо Гаттузо қилиши керак бўлган ишни қилди ва бу муҳим. Норвегия билан ўйинда яна мағлубиятга учрадик ва бу бизни реал имкониятларимизни қайта кўриб чиқишга мажбур қилди.
Мен норвегияликлар жаҳон чемпионатида ғолиб чиқишга қодир демоқчи эмасман, лекин бу жамоанинг чиндан ҳам савияси бор - жамоавий ўйин борасида ҳам, иқтидор борасида ҳам.
Уларда Ҳоланд тимсолида феномен бор. Бу бироз Италияда Жижи Рив бўлган пайтларни эслатиб юборади: тўпни жарима майдонига киритасиз ва у барчасини ҳал қилади. У жамоага таянч нуқтаси бўлиб хизмат қилади ва унга ишонч бағишлайди", - деди Капелло Gazzetta dello Sport нашрига берган интервьюсида.
