"Удинезе" яримҳимоячи Артур Атта учун бошқа клублар қизиқиш билдирган тақдирда 40 миллион евро сўрамоқчи, деб хабар берди журналист Николо Скира.
Манбага кўра, "Удинезе" 22 ёшли французни қишки трансферлар вақтида қўйиб юбормоқчи эмас, гарчи унга А Сериянинг бошқа жамоалари, шунингдек, хориждан ҳам қизиқишлар бўлса-да.
2025/26 йилги мавсумда Атта 12 та ўйинда 2 та гол урди ва 2 та голли узатмани амалга оширди. Унинг шартномаси 2029 йилнинг 30 июнига қадар имзоланган.
Transfermarkt портали футболчининг трансфер қийматини 12 миллион еврога баҳолаган.
